လက်ရှိ ပဓာန နာယက ဆရာတော်ဘုရားကြီး ဘဒ္ဒန္တ တိလောကာဘိဝံသ (18/2/1939---)
ဖွားမြင်တော်မူခြင်း
ဆရာတော်ဘဒ္ဒန္တတိလောကာဘိဝံသသည် ဧရာဝတီတိုင်း၊ ဇလွန်မြို့နယ်၊ ညောင်ပင်သာရွာ၊ ခမည်းတော် ဦးဘဖေ+မယ်တော် ဒေါ်စောစိန် တို့မှ ၁၃၀၀ ပြည့်နှစ်၊ တပေါင်းလဆန်း၁-ရက်၊ စနေနေ့နံနက် ၄-နာရီအချိန်တွင် မီးရှူးသန့်စင် ဖွားမြင်တော်မူခဲ့ပါသည်၊ မွေးချင်း ၇-ယောက်ရှိသည့် အနက် စတုတ္ထမြောက် သားရတနာဖြစ်ပါသည်၊ ငယ်နာမည်မှာ- မောင်တင်လှ ဖြစ်သည်၊ မွေးချင်း များမှာ- ၁။ ဒေါ်အုံးတင်၊ ၂။ ဒေါ်စန်းလှ၊ ၃။ ဒေါ်စန်းမြ၊ ၄။ ဦးတင်မြ (ခ) ဦးအေး၊ ၅။ ဦးဖိုးနီ၊ ၆။ ဒေါ်ပုလေး တို့ဖြစ်သည်။
ရှင် ရဟန်းအဖြစ်သို့ ရောက်ရှိတော်မူခြင်း
ဆရာတော် လောင်းလျာသည် ၆ နှစ်သား အရွယ်တွင် တစ်ကြိမ်၊ ၁၅ နှစ်သား အရွယ်တွင် တစ်ကြိမ်၊ ဇလွန်မြို့နယ်၊ ညောင်ပင်သာကျောင်း ဆရာတော် ဘဒ္ဒန္တဣန္ဒ၀ံသကို ဥပဇ္ဈာယ်ပြု၍ ခမည်းတော် + မယ်တော်တို့၏ ပစ္စာယာ နုဂ္ဂဟ ကိုခံယူကာ ရှင်သာမဏေ အဖြစ်သို့ ရောက်ရှိတော် မူခဲ့ပါသည်၊ ဘွဲ့တော်မှာ ရှင်တိလောက ဖြစ်ပါ သည်။ ၁၃၂၀ ခုနှစ်၊ ကဆုန်လဆန်း ၁၀ရက်၊ တနင်္ဂနွေနေ့ သက်တော် ၂၀ အရွယ်တွင် ဇလွန်မြို့နယ်၊ ပကွဲ ကျောင်းဟောင်း ဆရာတော် ဘဒ္ဒန္တစန္ဒာဝရ ကို ဥပဇ္စ္စ္စ္ဈာယ်ပြု၍ ညောင်ပင်သာ ကျေးရွာနေ နောင်တော်ဖြစ်သူ ဦးမျက်ပြူး + ဒေါ်သိန်းရင် တို့၏ ပစ္စယာနုဂ္ဂဟကို ခံယူကာ ညောင်ပင်သာကျောင်း ခဏ္ဍသိမ်တော်၌ မြင့်မြတ်သော ရဟန်းအဖြစ်သို့ ရောက်ရှိတော် မူခဲ့ပါသည်။
စာပေပရိယတ္တိ သင်ကြား ဆည်းပူး တော်မူခြင်း
ဆရာတော်လောင်းလျာသည် ညောင်ပင်သာ ရွာဦးကျောင်း ဆရာတော် နှင့်ညောင်ဦးမြို့နယ်၊ ကံကြီးကုန်းရွာ တောင်ကျောင်း ဆရာတော် ဦးဝါသ၀ တို့ထံတွင် အခြေခံမှစ၍ ပိဋကတ် ကျမ်းစာ များကို သင်ယူဆည်းပူးတော် မူခဲ့ပြီး ၁၃၁၇ ခုနှစ်တွင် မြင်းခြံမြို့၊ ကိုးဆောင်တိုက် ဆရာတော် အဘိဓဇ မဟာရဋ္ဌဂုရု ၊ အဘိဓဇ အဂ္ဂမဟာ သဒ္ဒမ္မ ဇောတိကဓဇ၊ နိုင်ငံတော် သံဃမဟာနာယကအဖွဲ့ ဥက္ကဋ္ဌ ဘဒ္ဒန္တသောဘိတထံတွင် မူလတန်းမှ၊ အစိုးရ ဓမ္မာစရိယ ပြီးသည့်တိုင်အောင် ၉နှစ်ခန့် ပိဋကတ် ကျမ်းစာများကို သင်ယူ ဆည်းပူး တော်မူခဲ့ပါသည်။ ထို့နောက် မန္တလေးမြို့၊ ချမ်းသာကြီးတိုက်၊ ညောင်ကန်တိုက်၊ ရန်ကုန်မြို့ ခြောက်ထပ်ကြီးတိုက် တို့တွင် လှည့်လည် သီတင်း သုံးလျက် စာချအကျော် ဆရာတော်များ ထံတွင် ပရိယတ္တိ စာပေများကို လေ့လာ သင်ယူတော်မူခဲ့ပါသည်။
အောင်မြင်တော်မူခဲ့သော စာမေးပွဲများ
နိုင်ငံတော်အစိုးရ အဘိဓမ္မာစာမေးပွဲ ပထမ၊ ဒုတိယ၊ တတိယ - ၃ဆင့်၊ ဋီကာကျော် ဂုဏ်ထူးဆောင် ပထမ၊ ဒုတိယ၊ တတိယ - ၃ဆင့်၊ ဇလွန်မြို့နယ် လယ်ဦးကျောင်း၌ ကျင်းပသော ၀ိနယ မူလတန်းနှင့် ၀ိနယန္တရိက သင်္ဂြိုဟ်တန်း၊ မြင်းခြံမြို့၊ ကိုးဆောင်တိုက် သဒ္ဓမပါလ စာမေးပွဲ ပထမငယ်၊ ပထမလတ်၊ ပထမကြီး၊ စာချတန်း၊ နိုင်ငံတော်အစိုးရ ပထမငယ်၊ ပထမလတ်၊ ပထမကြီး၊ သာသနဓဇဓမ္မာစရိယ (တစ်နိုင်ငံလုံး ဒုတိယ) သာသနဓဇ သိရီပ၀ရ ဓမ္မာစရိယ (ပဋိသမ္ဘိဒါမဂ်မြန်မာဂုဏ်ထူး) မန္တလေး သကျသီဟ စာသင်တန်း၊ ဓမ္မာစရိယ တန်း တို့ကို အောင်မြင်တော်မူခဲ့ပါသည်။
စာပေပရိယတ် ပို့ချတော်မူရင်း စာသင်သားများနှင့် သုတေသီတို့အတွက် ကျမ်းဂန်များ ပြုစုရေးသားခဲ့သည်၊ ယင်းကျမ်းစာများမှာ- (က)အဖြေစုံ ၇ကျမ်း (စနစ်ဟောင်းငယ်၊ လတ်၊ ကြီး အဖြေစုံ ၃ ကျမ်း၊ စနစ်သစ်မူလ၊ ငယ်၊ လတ်၊ ကြီး အဖြေစုံ ၄ ကျမ်း) ၊ (ခ) လက်ဆောင်ကျမ်း ၁၁ ကျမ်း (မာတိကာ ဓာတုကထာ လက်ဆောင်၊ ယမက လက်ဆောင် ၂ ကျမ်း၊ ပဋ္ဌာန်း လက်ဆောင်၊ ပဋ္ဌာန်းပို့ချစဉ် လက်ဆောင်၊ အဘိဓမ္မာ လက်ဆောင်၊ ဆန်းလက် ဆောင်၊ ပါဠိသဒ္ဒါ အသုံးအနူန်းနှင့် ပါဠိစာပေ ကောက်နူတ်ချက် လက်ဆောင်၊ သဒ္ဒါ လက်ဆောင်၊ သုတ်နက်လက် ဆောင်၊ သဒ္ဒါကြီးနိဿယ လက်ဆောင်)။ (ဂ) ဗဟုသုတ ပညာပေး ၆ကျမ်း (ရဟန်းခံရှင်ပြု အကြောင်း၊ ကိုးကွယ်မှုဆိုင်ရာသိစရာနှင့် ဗုဒ္ဓသာသနာ့ သမိုင်း၊ စေတီပုထိုး၊ မဲလံဆံတော်ရှင်၊ သကျမုနိ၊ လက်ရွေးစင် ဆောင်းပါးများ၊ ပရိတ် +ဂါထာ+ မန္တန်စသော ပုံနှိပ်ပြီး ကျမ်းပေါင်း ၂၄ကျမ်း နှင့် ဂန္ထာဘရဏနှင့် ဘုရားကြီး နိယံလက်ဆောင်၊ အဋ္ဌသာလိနီ အဖြေစုံစသော ပုံမနှိပ် ရသေးသည့် ကျမ်းများကို ရေးသားပြုစုတော်မူခဲ့ပါသည်၊ ယခု နောက်ဆုံး ရေးသားခဲ့သည်မှာ မြန်မာ့သာသနာ့ သမိုင်းတွင် အထင်ကရအနေဖြင့် သမိုင်းတွင်ကျန်ရစ်မည့် ပါဠိဘာသာဖြင့် ရေးသားခဲ့သည့် ပရိတ်ကြီးဋီကာသစ်ခေါ် ပရိတ္တ အဘိန၀ဋီကာကျမ်းနှင့် အင်္ဂုတ္တိုရ်ပါဠိတော် မြန်မာပြန်သစ် ကျမ်းများ ဖြစ်ပါသည်။
ဂိုဏ်းပေါင်းစုံ သံဃအဖွဲ့အစည်း ပထမအကြိမ် မြို့နယ်နှင့်တိုင်း ၀ိနည်းဓိုရ်၊ ဒုတိယအကြိမ် အင်းစိန်မြို့နယ် သံဃနာယကအဖွဲ့ ဒုတိယဥက္ကဋ္ဌ၊ တတိယအကြိမ် နိုင်ငံတော်ဗဟို သံဃာ့ဝန်ဆောင်နှင့် တောင်တန်း သာသနာပြု သြ၀ါဒါစရိယ၊ အင်းစိန်မြို့နယ် ပထမပြန်စာမေးပွဲကြီးကြပ်ရေးကော်မတီ ဥက္ကဋ္ဌ၊ နိုင်ငံတော် ပရိယတ္တိသာသနာ့တက္ကသိုလ် (ရန်ကုန်) အဘိဓမ္မပါမောက္ခ၊ ဒုတိယနာယကချုပ် (ဒုတိယပါမောက္ခချုပ်) ၊ ပဉ္စမအကြိမ် နိုင်ငံတော် သံဃာ့မဟာနာယက၊ ဆဋ္ဌမအကြိမ် နိုင်ငံတော်သံဃမဟာနာယက တွဲဖက်အကျိုးတော် ဆောင်၊ နိုင်ငံတော် သံဃမဟာနာယက ဒုတိယ ဥက္ကဋ္ဌ၊ အဘိဓမ္မာ ပြန့်ပွားရေးအသင်း ပရိယတ္တိ နုဂ္ဂဟအသင်း စသော အသင်းများ၏ သြ၀ါဒစရိယ တာဝန်များကို ထမ်းဆောင် တော်မူခဲ့ပါသည်။ ၎င်းပြင်နွေရာသီ ယမိုက်+ပဋ္ဌာန်း+ဆန်းစသော သင်တန်းများကို ရန်ကုန်မြို့ မင်္ဂလာဗျူဟာအသင်း၌ ၃-နှစ်၊ အင်းစိန်ရွာမ ပရိယတ္တိစာသင်တိုက်၌ ၁၄-နှစ်၊ ပဲခူး၊ မန္တလေး၊ တောင်ကြီး၊ ကလေးမြို့တို့၌ အခါအားလျော်စွာ လှည့်လည် ပို့ချတော်မူခဲ့ပါသည်။ လူဝတ်ကြောင်များအတွက် အဘိဓမ္မာ သင်တန်းများကိုလည်း အဘိဓမ္မာ စာမေးပွဲများ ဖြေဆိုနိုင်သည်အထိ ၁ နှစ် ၂ ကြိမ်ခန့်ပို့ချ ပေးတော်မူခဲ့ပါသည်။ ရဟန်းခံ သိမ်သမုတ်စသော ကံကြီး၊ ကံငယ် သံဃာ့ကိစ္စများကိုလည်း ဆက်စပ်နေသည့် နေရာတိုင်း ဦးဆောင်ဦးရွက်ပြုကာ အလေးထား ဆောင်ရွက် ပေးတော်မူလေ့ရှိသည်။
ဆရာတော်သည် ပရိယတ္တိစာပေများကို မြတ်မြတ်နိုးနိုး ကိုယ်ကြိုးမငဲ့ပဲ ဆောင်ရွက်လေ့ရှိခြင်း၊ စာပေဗဟုသုတ အကူအညီ တောင်းခံလာသူ မှန်သမျှအား ပုဂ္ဂိုလ်မရွေး၊ အချိန်အခါမရွေး အများအတွက်ကို မဆိုထားနှင့် သာမန် တစ်ဦးတစ်ယောက်ကိုပင် ထက်သန်စွာ ကူညီပေးလေ့ရှိခြင်း၊ သင်နည်း စနစ်များကိုလည်း လွယ်သည်ထက် လွယ်အောင် ခေတ်မီအောင် တီထွင်ကြံဆပြီး သင်ကြားပို့ချ ရေးသားလေ့ရှိခြင်း၊ အများနှင့် ဆက်ဆံရာတွင် ဟိတ်ဟန်မရှိပဲ တည်ငြိမ်အေးဆေးစွာ ရိုးရိုးသားသား ဆက်ဆံလေ့ရှိခြင်း၊ ပရိယတ်၊ ပဋိပတ် ၂ မျိုးလုံးကို မြတ်နိုးစွာ မိမိအတွက်ရော သူတစ်ပါး အတွက်ပါ ဆောင်ရွက်ပေးလေ့ရှိခြင်း၊ ပစ္စည်းလာဘ်လာဘကို တွယ်တာမှု မရှိဘဲ ရက်ရက်ရောရော ပေးကမ်းလှူဒါန်း လေ့ရှိခြင်း၊ တပည့်များအပေါ် မိဘသဖွယ် စေတနာ မေတ္တာထား၍ စောင့်ရှောက်ချီးမြှောက်လေ့ရှိခြင်း၊ ပြောဆိုဆုံးမရာ၌ အမိန့်ပေးသည့်သဘောမျိုးမဟုတ်ပဲ ကျိုးကြောင်း ယုတ္တိ ပြ၍ တရားဓမ္မဖြင့် ညင်သာစွာ ဆိုဆုံးမလေ့ရှိခြင်း ဒါယကာ ဒါယိကာမများ အပေါ်တွင် တွယ်တာမက်မောမှု မထားပဲ ကုလေသု အနနုဂိဒ္ဓဂုဏ်နှင့် ညီနိုင်သမျှညီအောင် လိုက်နာကျင့်သုံးလေ့ရှိခြင်း စသောဂုဏ်တို့သည် ရဟန်းရှင်လူ ပြည်သူတို့၏ ကြည်ညိုလေးစားခြင်းခံရသော ဆရာတော်၏ ဂုဏ်ရည်များဖြစ်ပါသည်။
အဂ္ဂမဟာပဏ္ဍိတ ဘွဲ့တံဆိပ်တော်ကို အလှူခံရရှိတော်မူခြင်း
ဤသို့သော ဂုဏ်တို့နှင့် ကုံလုံ ပြည့်စုံတော်မူသော ဆရာတော် ဘဒ္ဒန္တ တိလောကာဘိဝံသ အား ၁၃၅၉ခု (၁၉၉၈-ခုနှစ်) တွင် ပြည်ထောင်စု မြန်မာနိုင်ငံတော် အစိုးရ၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီက အဂ္ဂမဟာပဏ္ဍိတ ဘွဲ့တံဆိပ်တော်မြတ်ကို ဆက်ကပ် လှူဒါန်းခဲ့ပါသည်။